Mga pinakamainam na kasanayan para sa creative

Limang mahahalagang tip para sa magagandang Pin

Masasabing maganda ang isang Pin kung ito ay nakakapukaw sa paningin, may nakakaaliw na kwento, at naghihikayat sa mga tao na matuto pa. Madali lang gumawa ng magagandang Pin—sundin lang ang ilang simpleng panuntunan.

1. Pumili ng agaw-pansing larawan
Gumamit ng mga patayong larawang may magandang kalidad na magiging kapansin-pansin sa mga feed ng mga tao. Inirerekomenda namin ang 2:3 na aspect ratio (hal: 1000 x 1500 pixel). Maaaring maputol ang iyong Pin kung gagamit ka ng ibang ratio, o maaari itong magkaroon ng negatibong epekto sa performance.

3. Tiyaking naha-highlight ang iyong brand 
Ituon ang larawan sa iyong produkto o serbisyo. Iwasan ang mga abstract na larawan, o ang mga larawan ng paraan ng pamumuhay na hindi naaangkop sa iyong brand.   

3. Linawin ang konteksto
Dapat makatulong ang iyong Mga Pin sa mga tao para maunawaan kung bakit naaangkop ang iyong produkto o ideya sa kanila. Pumili ng mga larawang nagpapakita ng konteksto at sumasalamin sa iyong paksa. Malinaw na ipakita kung paano magagawa ng isang tao na gamitin ang iyong produkto, subukan ang iyong proyekto, atbp.

4. Isama ang iyong logo
Maglagay ng logo sa bawat Pin na gagawin mo, pero tiyaking hindi ito nakakaagaw ng pansin. Iwasang ilagay ito sa kanang sulok sa ibaba, dahil matatakpan ng mga icon ng aming produkto ang bahaging iyon.   

5. Magdagdag ng text overlay para mas maganda ang mabuo mong kwento
Ang text overlay ang mga salitang ipapakita sa larawan ng iyong Pin. Nakakatulong ito para mapansin ang iyong Mga Pin, nagdaragdag ito ng konteksto, at napapalinaw nito ang gusto mong iparating. Panatilihing maikli ang text para madali itong mabasa ng mga tao sa mga telepono nila.

Pin na Mga Salamin na may babaeng nakasuot ng dilaw na sweater
Makamit ang iyong mga layunin

Gamitin ang mga tip sa itaas para sa bawat Pin na gagawin mo, anuman ang paksa o layunin. Pero pagdating sa Mga Pinterest Ad, may ilan pang bagay na dapat tandaan. Alamin kung paano iangkop ang iyong Mga Pin para sa iba't ibang layunin sa marketing gamit ang mga kapaki-pakinabang na gabay na ito.

Isang script para sa tagumpay

Kung gagamit ka ng video, magiging mas interesante ang iyong Mga Pin dahil na rin sa kwentong isinasalaysay ng mga ito. Sa pamamagitan ng aming mga pag-aaral sa pagsukat, may natukoy kaming anim na napakahusay na kagawiang nakakatulong sa pagtatagumpay ng mga video sa Pinterest. Gamitin ang mga tip na ito bilang checklist para sa susunod mong campaign para sa Pino-promote na Video. 

1. Magsalaysay ng magandang kwento
Mas mahaba ang inilalaang oras ng mga tao sa panonood kapag may sinusundan silang malinaw na kwento. Hindi nito kailangan ng sequence—tiyakin lang na sapat ang nangyayari dito para patuloy na manood ang mga tao. Subukang gumamit ng mga totoong asset ng video, sa halip na magdugtong-dugtong ng mga larawan bilang video file. Sa aming mga pag-aaral, 32% mas mahaba ang inilaang oras ng mga tao sa panonood ng Mga Pino-promote na Video kapag mayroon itong kwento na unti-unting isinasalaysay kaysa sa oras na kanilang inilaan sa panonood ng mga GIF o pinagdugtong-dugtong na still.1  

2. Kunin ang atensyon ng mga tao
Gawing mas makatawag-pansin ang unang ilang segundo ng iyong kwento para ipagpatuloy ng mga tao ang panonood. Halimbawa, maaaring makuha mo ang atensyon ng iyong mga manonood kung gagamit ka ng mga title card.

3. Ipakita kung paano ginagamit ang iyong mga produkto
Mas mahaba ang inilalaan na oras ng mga tao sa panonood ng mga video na nagtatampok sa paggamit ng isang produkto, kung saan makikita kung paano ito ginagamit o isinusuot.Mag-isip ng paraan kung paano maipapasok ang iyong produkto sa kwento ng iyong video. 

4. Magdagdag ng magandang branding
Maganda ang performance ng branded na content sa Pinterest dahil naaaksyunan ito at nagmumula ito sa mapagkakatiwalaang source. Mainam na ipakita ang iyong brand name o logo sa unang ilang segundo ng iyong video—o iwanan ito sa kabuuan ng video.1

5. Ipakita, huwag sabihin, ang gusto mong iparating
Sa Pinterest, awtomatikong nagpe-play ang mga video nang walang sound. Io-on ng ilang tao ang sound, pero hindi ka dapat umasa sa dialogue o audio sa pagpapabatid ng iyong kwento. Sa halip, gumamit ng mga caption o text overlay sa pagsasalaysay ng iyong kwento.

6. Panatilihin itong simple at maikli
Napag-alaman naming mas maganda ang performance ng maiikling video sa Pinterest, at inirerekomenda naming gumawa ka ng mga video na wala pang dalawampung segundo.

1. Neurons Inc, Pag-aaral ng video creative sa mga lingguhang Pinner sa US, Hunyo 2018

Preview ng pinakamahuhusay na kagawian ng Glad sa video
Palalimin ang kaalaman

Mga Webinar

Makakuha ng higit pang tip para sa pag-set up at pag-optimize ng campaign.

Mga Partner sa Marketing

I-scale ang iyong mga ad sa tulong ng aming mga opisyal na partner.

Pin Collective

Makipagtulungan sa ekspertong creator ng nilalaman para sa mga susunod mong Pin.

Mga tip sa nilalaman

Matuto tungkol sa pagpili ng mga naaangkop na paksa, larawan, at paglalarawan para sa iyong Mga Pin.

Matuto mula sa ibang brand