Mga Tuntunin ng Serbisyo ng Negosyo

Tinutulungan ng Pinterest ang lahat na mahanap ang inspirasyong magkaroon ng buhay na gusto nila. Para magawa iyon, gusto naming dalhin ng mga negosyong katulad ng sa iyo ang mga interesante at personal na ideya nila sa aming platform. Para maibigay ang aming Serbisyo, kailangan naming makilala ka at ang iyong mga interes, at ginagamit namin ang iyong personal na data para magawa ito. Para sa higit pang impormasyon, mangyaring basahin ang aming Patakaran sa Privacy. Ang ilan sa mga bagay na ipinapakita namin sa iyo ay pino-promote ng mga advertiser. Bilang bahagi ng aming serbisyo, sinusubukan naming tiyakin na kahit ang pino-promote na content ay may kaugnayan at interesante sa iyo. Maaari mong makilala ang pino-promote na content dahil malinaw itong lalagyan ng label.

a. Sino ang maaaring gumamit ng Pinterest.

Magagamit mo lang ang aming Serbisyo kung makakabuo ka ng may bisang kontrata sa Pinterest at kung susunod ka sa Mga Tuntuning ito at sa lahat ng naaangkop na batas. Kapag ginawa mo ang iyong Account ng negosyo, dapat mo kaming bigyan ng tama at kumpletong impormasyon. Ipinagbabawal ang anumang paggamit o pag-access ng Account ng negosyo ng sinumang wala pa sa edad na 16. Kung magbubukas ka ng account sa ngalan ng isang kumpanya, organisasyon, o iba pang entity, (a) kasama ka at ang entity sa “ikaw” at (b) nangangako kang awtorisado kang magbigay ng lahat ng pahintulot at lisensyang ibinigay sa Mga Tuntuning ito at ipapailaim ang entity sa Mga Tuntuning ito, at sumasang-ayon ka sa Mga Tuntunin na ito sa ngalan ng entity. Maaaring kasama sa bahagi ng aming Serbisyo ang software na dina-download sa iyong computer, telepono, tablet, o iba pang device. Sumasang-ayon kang puwede naming i-update ang software na iyon nang awtomatiko at malalapat ang Mga Tuntuning ito sa anumang update.

Kung na-disable namin dati ang iyong account dahil sa paglabag sa Mga Tuntuning ito o alinman sa aming mga patakaran, o para sa mga legal na dahilan, hindi ka gagawa ng bagong Pinterest account nang wala ang aming ipinahayag na nakasulat na pahintulot, na ibinibigay nang ayon sa sarili naming pagpapasya.

Sa paggamit ng Pinterest, sumasang-ayon kang huwag mag-scrape, mangolekta, maghanap, mangopya o kaya ay mag-access ng data o content mula sa Pinterest sa mga paraang walang pahintulot, tulad ng sa pamamagitan ng paggamit ng automated na paraan (nang wala ang aming ipinahayag na naunang pahintulot), o mag-access o subukang mag-access ng data na wala kang pahintulot na ma-access.

Hindi mo maaaring gamitin, i-access, i-download, o kaya ay gawing available ang Serbisyo (kasama ang may kaugnayang software), maliban ayon sa pinahihintulutan ng naaangkop na mga paghihigpit sa trade, kasama ang, ngunit hindi limitado sa, mga sanction at kontrol sa pag-export ng US, EU at UK. Sumasang-ayon kang hindi gamitin ang Serbisyo para sa anumang layunin na ipinagbabawal ng mga naaangkop na paghihigpit sa trade.

Ang anumang paggamit ng Pinterest na hindi malinaw na pinapayagan ng Mga Tuntuning ito ay isang paglabag nitong Mga Tuntuning ito at maaaring lumabag sa copyright, trademark, at iba pang batas.

b. Ang aming lisensya sa iyo.

Sa iyong pagsunod sa Mga Tuntuning ito at sa aming mga patakaran, ibinibigay namin sa iyo ang limitado, hindi eksklusibo, hindi maaaring ilipat, hindi sublicensable  at mababawing lisensya para ma-access at magamit ang Serbisyo gaya ng nakasaad sa ilalim ng Mga Tuntuning ito at sa aming mga patakaran.

Hangga't sumasalungat ang anumang probisyon sa Mga Tuntunin ng Serbisyo ng Business sa Mga Tuntunin ng Serbisyo, ang Mga Tuntunin ng Serbisyo ng Business ang mananaig sa salungatan.

a. Pag-post sa Content ng user

Pinapayagan ka ng Pinterest na mag-post ng content, kabilang ang mga larawan, video, komento, link at iba pang mga materyal. Para sa layunin ng Mga Tuntuning ito, ang anumang ipo-post mo o gagawing available sa Pinterest ay tutukuyin bilang "Content ng User." Mananatili sa iyo ang lahat ng karapatan sa "Content ng User" na ipo-post mo sa Pinterest, at ikaw lang ang mananagot para sa mga iyon. Dapat sumunod ang lahat ng Content ng User sa Mga Tuntuning ito at sa aming mga patakaran, kabilang ang Mga Tuntunin ng Serbisyo ng Pinterest.

b. Paano maaaring gamitin ng Pinterest at ng ibang user ang iyong Content ng user

Sa pamamagitan ng pagbibigay ng anumang Content ng User sa Serbisyo, binibigyan mo ang Pinterest at ang aming mga affiliate at mga provider ng serbisyo, at ang iba pa naming user, ng hindi eksklusibo, walang royalty, nalilipat, sublicensable, at pandaigdigang lisensya na gamitin, i-store, ipakita, paramihin, i-save, baguhin, gawan ng derivative works, i-monetize, i-download, isalin, isagawa at ipamahagi, ang iyong Content ng User, kabilang ang para sa layunin ng pag-promote at muling pagpapamahagi ng bahagi o lahat ng Serbisyo ng Pinterest. Wala sa Mga Tuntuning ito ang: (i) magbibigay ng karapatan sa iyo sa anumang bayad o karapatang makikihati sa anumang kita mula sa anumang pag-monetize ng Content ng User; o (ii) maghihigpit sa iba pang legal na karapatan na maaaring mayroon ang Pinterest sa Content ng User, halimbawa sa ilalim ng iba pang lisensya. May karapatan kaming alisin, limitahan ang pamamahagi ng, o baguhin ang Content ng User, o baguhin ang paraan ng paggamit nito sa Pinterest. Hindi lang kasama rito ang Content ng User na pinaniniwalaan naming lumalabag sa Mga Tuntuning ito, kundi pati na rin sa aming Mga Alituntunin ng Komunidad, Mga Alituntunin sa Pag-a-advertise, Patakaran sa Copyright, Patakaran sa Trademark o alinman sa aming iba pang patakaran, o iba pang sitwasyon kung saan sa tingin namin ay para sa kapakanan ng Pinterest o ng aming mga User ang nasabing aksyon.

c. Gaano namin katagal papanatilihin ang iyong Content ng user

Kasunod ng pagwawakas o pag-deactivate sa iyong account, o ang pag-aalis ng anumang Content ng User sa Pinterest, maaari naming panatilihin ang iyong Content ng User sa loob ng makatuwirang tagal ng panahon para sa pag-back up, pag-archive o pag-audit. Bukod pa rito, maaaring panatilihin at patuloy na gamitin, i-store, ipakita, paramihin, i-save, baguhin, gumawa ng mga hinangong gawa, itanghal at ipamahagi ng Pinterest at ng aming mga user ang alinman sa iyong Content ng User na na-store at naibahagi mo o ng ibang user sa Pinterest.

d. Paano namin iniraranggo ang content

Sa Pinterest, nagpapakita kami ng ad (bayad) at non-ad (hindi bayad, “organic”) na content. Ang organic na content at content ng ad ay hiwalay na iniraranggo ayon sa mga salik kasama ang kaugnayan sa isang query sa paghahanap o mga interes ng user, kalidad ng larawan, kalidad ng domain at kung gaano kadalas ang pakikipag-engage ng ibang user sa content. Para sa organic na content, hindi batayan sa aming mga desisyon sa pagraranggo ang pagkakaroon o kawalan ng ugnayan sa pag-advertise sa content creator. Para sa content ng ad, isa ring salik sa pagraranggo ang ad auction. Umaasa kami sa mga pamantayang inilalarawan sa itaas at iba pang pamantayan para tiyaking nakakakita ang mga user ng bago, iba-iba, at de-kalidad na content na nauugnay sa mga interes nila at nakakatulong sa kanilang mahanap ang inspirasyong magkaroon ng buhay na gusto nila. Para sa higit pang impormasyon tungkol sa mga pamantayang hinihingi namin sa mga ad at merchant, tingnan ang aming Mga Alituntunin sa Pag-a-advertise at Mga Alituntunin na Dapat Sundin ng Merchant.

e. Ang iyong responsibilidad para sa Content ng User:

i. Sa Pinterest at sa aming komunidad.

Nagbibigay ang Pinterest ng creative at positibong lugar para sa iyo at sa ibang user para tumuklas at magbahagi ng mga bagay na gusto ninyo. Para panatilihin ito sa ganoong paraan, dapat mong sundin ang aming magandang kaugalian sa Pin at ang aming mga patakaran. Hindi ka dapat mag-post ng Content ng User na lumalabag o nanghihikayat ng anumang gawi na lumalabag sa mga batas o regulasyon, kasama ang, ngunit hindi limitado sa, mga batas o regulasyong naaangkop sa uri ng iyong negosyo, at mga batas o mga regulasyon na naaangkop sa pag-advertise. Ikaw ang responsable para sa Content ng User at anumang content ng third party na pino-post mo sa iyong mga board, at kinakatawan at iginagarantiya mo na sumusunod ang Content ng User na iyon at ang anumang content na na-post ng third party sa iyong mga board sa lahat ng naaangkop na batas at regulasyon. Maliban kung hayagang isinasaad sa Mga Tuntuning ito, sumasang-ayon kang hindi gamitin, baguhin, paramihin, ipamahagi, ibenta, bigyan ng lisensya o kaya ay gamitin ang aming Serbisyo nang walang pahintulot namin.

ii. Sa mga third party.

Iginagalang ng Pinterest ang mga karapatan ng mga third-party na creator at may-ari ng content at inaasahan kang gawin din ito. Kaya, sumasang-ayon ka na ang anumang Content ng User na ipo-post mo sa Pinterest ay hindi lumalabag at hindi lalabag sa anumang mga batas o hindi lalabag sa mga karapatan ng sinumang third party.

f. Pagpapatupad

Maaari kaming gumawa ng aksyon laban sa Content ng User na lumalabag sa Mga Tuntuning ito o sa aming mga patakaran o kung saan kami pinahihintulutan o hinihiling sa amin ng batas, tulad ng sa pamamagitan ng pag-alis, paghihigpit, o paglilimita ng access sa, o distribution ng content. Puwede rin naming suspindihin o wakasan ang mga account ng mga user na paulit-ulit o seryosong lumalabag sa mga karapatan sa intellectual property ng third party, lumalabag sa batas, sa Mga Tuntuning ito, o sa aming mga patakaran, o kung saan pinahihintulutan o hinihiling na gawin ito nang naaayon sa batas. Kung kikilos kami sa Content ng User o account mo, susubukan naming abisuhan ka kung saan iniaatas ng batas. Kung saan naaangkop, maaari mong iapela ang mga desisyon na sa tingin mo ay maling nagawa. Kami ay isang walang kinikilingnang intermediary at hindi namin sinusuri ang lahat ng Content ng User bago o pagkatapos itong i-publish sa Serbisyo, kaya hangga't pinapayagan ng naaangkop na batas, hindi kami responsable o mananagot sa anumang third party para sa content o kawastuhan ng anumang Content ng User na na-post mo o ng sinupamang user ng Pinterest. Para sa higit pang impormasyon tungkol sa kung paano namin ipinapatupad ang aming mga patakaran o kaya ay inaaksyunan ang content sa Pinterest, tingnan ang aming Page sa pagpapatupad.

g. Feedback na ibinibigay mo

Mahalaga sa aming malaman ang saloobin ng aming mga user at palagi kaming interesadong malaman ang tungkol sa mga paraan na maaari naming gawing mas kamangha-mangha ang Pinterest. Kung pipiliin mo ang magsumite ng mga komentaryo, mga ideya o feedback, sumang-ayon ka na maari namin itong gamitin ng walang paghihigpit o kabayaran sa iyo. Sa pamamagitan ng pagtanggap ng iyong isinumite, hindi inaalis ng Pinterest ang anumang karapatan para gumamit ng katulad o may kaugnayang feedback na alam dati ng Pinterest, binuo ng mga empleyado nito, o nakuha mula sa mga pagkukunan bukod sa iyo.

Nag-aalok kami ng mga produktong magagamit ng mga website at developer para mag-alok ng mga feature at functionality ng Pinterest sa kanilang mga user (hal. ang mga button na “I-save”, “I-pin ito” at “I-follow”) (“Mga Feature ng Site”). Sa pamamagitan ng paggamit ng anumang mga Feature ng Site, sumasang-ayon ka sa aming Mga Tuntunin ng Serbisyo ng Developer at API.

Kapag ina-access at ginagamit mo ang mga feature at kakayahan ng aming produktong generative AI (“GenAI”) na ginagawa naming available sa iyo, sumasang-ayon ka sa aming Mga Tuntunin ng Creative GenAI.

Pinapagtibay at ipinapatupad ng Pinterest ang Patakaran sa Copyright ng Pinterest at ang Patakaran sa Trademark ng Pinterest alinsunod sa naaangkop na mga batas sa intellectual property. Para sa higit pang impormasyon, pakibasa ang aming Patakaran sa Copyright at Patakaran sa Trademark.

Pinapahalagahan namin ang tungkol sa seguridad ng aming mga user. Habang nagsusumikap kaming protektahan ang seguridad ng iyong content at account, hindi magagarantiya ng Pinterest na hindi malulusutan ng mga walang pahintulot na third party ang aming mga pamamaraan sa seguridad. Hinihiling namin na panatilihin mong ligtas ang iyong password. Maaring agad na magbigay abiso sa amin sa anumang kompromiso o hindi awtorisadong gamit sa iyong account. Para sa mga account na ginawa para sa kumpanya, organisasyon, o iba pang entity, responsibilidad mo ang pagtiyak na mga awtorisadong indibidwal lang ang may access sa account.

Ang Pinterest ay maaaring may mga link sa mga third-party website, advertiser, serbisyo, mga espesyal na alok o iba pang event o aktibidad na hindi pagmamay-ari o kontrolado ng Pinterest. Hindi namin ineendorso o inaako ang anumang responsibilidad para sa anumang nasabing site, impormasyon, materyal, produkto, o serbisyo ng third-party. Kung ia-access mo ang anumang website, serbisyo, o content ng third-party mula sa Pinetrest, ikaw ang mananagot sa paggawa nito at sumasang-ayon ka na hindi mananagot ang Pinterest mula sa paggamit mo ng o pag-access sa anumang website, serbisyo o content ng third-party.

Maaaring wakasan, suspindihin, o paghigpitan ng Pinterest ang iyong karapatang ma-access o magamit ang Serbisyo para sa anumang paglabag sa Mga Tuntuning ito. Bibigyan ka namin ng nakasulat na abiso kung iniaatas ng batas. Para sa aming mga Business User sa EU, ang Artikulong ito sa Help Center ay magbibigay sa iyo ng impormasyon sa kung paano mo magagamit ang aming internal na system ng pangangasiwa sa reklamo at kung paano gumagana ang system. Sa pagwawakas, patuloy kang mapapailalim sa Seksyon 3, 4, 10, at 11-16 ng Mga Tuntuning ito. Maaari mong wakasan ang iyong account anumang oras. Tingnan ang aming artikulo sa Help Center para sa mga tagubilin sa kung paano i-deactivate o isara ang account mo.

Sa ordinaryong kurso ng aming negosyo, kung pipiliin mong permanenteng isara ang iyong account, hindi mo maa-access ang impormasyong ibinigay o ginawa mo kapag nawakasan na ang iyong account. Tingnan ang Patakaran sa Privacy para sa isang paglalarawan ng mga patakaran sa pag-access sa data ng Pinterest.

Sumasang-ayon kang magbayad ng danyos at hindi pananagutin ang Pinterest at ang aming mga kani-kanyang opisyal, direktor, empleyado at mga kinatawan mula at laban sa anumang paghahabol, demanda, paglilitis, hindi pagkakasundo, mga paghahabla, pananagutan, multa, pagkalugi/kawalan, halaga at mga gastos, kabilang ang ngunit walang limitasyon sa makatwirang bayarin para sa abugado at accounting (kabilang ang mga halaga ng pagtatanggol sa mga paghahabol, demanda o mga paglilitis na dala ng mga third partido), sa anumang paraan na may kaugnayan sa (a) iyong pag-access sa o paggamit ng aming Serbisyo, (b) iyong User Content o (c) sa iyong paglabag sa alinman sa Mga Tuntuning ito.

Hangga't pinahihintulutan ng naaangkop na batas, ang aming Serbisyo at ang lahat ng content sa Pinterest ay ibinibigay nang ayon sa batayang “as is” nang walang anumang uri ng warranty, ito man ay ipinahayag o ipinahiwatig.

PARTIKULAR NA ITINATATWA NG PINTEREST ANG LAHAT NG GARANTIYA AT KONDISYON NG PAGIGING NABEBENTA, KAANGKUPAN PARA SA PARTIKULAR NA LAYUNIN, AT HINDI PAGLABAG, AT ANG ANUMANG GARANTIYANG RESULTA NG MGA KASANAYAN SA MGA NAUNANG TRANSAKSYON O KAYA AY MGA NAKAGAWIAN SA NEGOSYO.

Walang responsibilidad ang Pinterest at hindi ito mananagot para sa anumang User Content na ipo-post o ipapadala mo o ng sinumang iba pang user o third party gamit ang aming Serbisyo. Nauunawaan mo at sumasang-ayon ka na maaari kang makakita ng User Content na hindi tama, hindi katanggap-tanggap, hindi naaangkop para sa mga bata o kaya ay hindi naaangkop sa layunin mo.

SA PINAKAMALAWAK NA SAKLAW NA PINAHIHINTULUTAN NG BATAS, HINDI MANANAGOT ANG PINTEREST PARA SA ANUMANG HINDI TUWIRAN, INSIDENTAL, ESPESYAL, KONSEKUWENSYAL, O MAPAGPARUSANG MULTA, O ANUMANG PAGKALUGI O PAGKAWALA NG KITA, NATAMO MAN NANG DIREKTA O HINDI DIREKTA, O ANUMANG PAGKAWALA NG DATA, PAGGAMIT, REPUTASYON O IBA PANG HINDI PISIKAL NA PAGKAWALA. KAILANMAN AY HINDI LALAMPAS ANG KABUUANG PANANAGUTAN NG PINTEREST PARA SA LAHAT NG PAGHAHABOL NA MAY KAUGNAYAN SA SERBISYO NANG MAHIGIT SA ISANG DAANG DOLYAR NG ESTADOS UNIDOS (US $100.00) O ANG MGA HALAGANG BINAYARAN MO SA PINTEREST PARA SA NAKARAANG TATLONG BUWAN PARA SA SERBISYO.

Para sa anumang hindi pagkakasundo na mayroon ka sa Pinterest, sumasang-ayon kang makipag-ugnayan muna sa amin at subukang hindi pormal na ayusin ang hindi pagkakasundo sa amin. Kung kailangan naming makipag-ugnayan sa iyo, gagawin namin ito sa email address na nauugnay sa iyong Account ng Negosyo. Kung hindi maaayos ng Pinterest ang hindi pagkakasundo sa iyo sa hindi pormal na paraan, ang bawat isa sa atin ay sasang-ayong ayusin ang anumang paghahabol, hindi pagkakasundo o kontrobersiya (kasama ang mga paghahabol para sa injunctive relief o iba pang makatarungang remedyo) na magreresulta sa o nauugnay sa o patungkol sa Mga Tuntuning ito o sa Serbisyo sa pamamagitan ng may bisang arbitrasyon gaya ng tinukoy sa ibaba o (para sa mga kwalipikadong paghahabol) sa korte para sa maliliit na paghahabol. Gayunpaman, wala sa Seksyong ito ang makakapigil sa iyo o sa amin na humingi ng pansamantalang injunctive relief sa hukuman (o sa arbitrasyon) para mapanatili ang status quo o para tulungang ipatupad ang clause ng arbitrasyong ito sa simula ng anumang hindi pagkakasundo.

Ang arbitrasyon ay isang mas hindi pormal na paraan para ayusin ang ating hindi pagkakaintindihan kaysa sa isang demanda sa korte. Halimbawa, ang arbitrasyon ay gumagamit ng isang tagapamagitan na walang pinapanigan sa halip na isang hukom o jury, mayroong mas limitadong pagtuklas, at napapailalim sa napakalimitadong pagsusuri ng mga korte. Bagama't mas hindi pormal ang proseso, maaaring ipataw ng mga tagapamagitan ang mga multa at remedyong maaari ding ipataw ng korte, kabilang ang injunctive relief. Sumasang-ayon ka na, sa pamamagitan ng pagsang-ayon sa Mga Tuntunin ng Paggamit, pinamamahalaan ng Pederal na Batas ng Estados Unidos sa Arbitrasyon (U.S. Federal Arbitration Act) ang pagbibigay ng kahulugan at pagpapatupad ng probisyong ito at isinusuko ninyo ng Pinterest ang karapatan para sa isang paglilitis ng jury o para lumahok sa class action Para maiwasan ang pagdududa, may eksklusibong kapangyarihan ang tagapamagitan na resolbahin ang anumang hindi pagkakasundo kaugnay ng interpretasyon, pagiging naaangkop, o pagpapatupad nitong may bisang kasunduan ng arbitrasyon, kabilang ang anumang hindi pagkakasundo tungkol sa kakayahan nitong sumailalim sa arbitrasyon. Ang probisyon ng arbitrasyon na ito ay dapat manatili kapag tinapos ang Kasunduang ito at kapag tinapos ang iyong Account ng Negosyo.

Ang anumang arbitrasyon ay pangangasiwaan ng American Arbitration Association (“AAA”) sa ilalim ng Mga Tuntunin ng Arbitrasyon ng Consumer na may bisa para sa AAA, maliban kung may isinasaad rito. Makikita mo ang mga form nito sa www.adr.org. Maliban kung hindi kayo sasang-ayon ng Pinterest, isasagawa ang arbitrasyon sa county (o parish) kung saan ka nakatira. Ang bawat partido ay magiging responsable para sa pagbabayad ng anumang bayarin para sa pag-file sa AAA, pangangasiwa at para sa tagapamagitan alinsunod sa mga panuntunan ng AAA, maliban sa magbabayad ang Pinterest para sa makatwirang bayarin para sa pag-file, pangangasiwa at para sa tagapamagitan kung ang iyong paghahabol para sa mga pinsala ay hindi lalampas sa $75,000 at may halaga (ayon sa pagkalkula gamit ang mga pamantayang nakasaad sa Federal Rule of Civil Procedure 11(b)). Kung ang iyong paghahabol ay para sa $10,000 o mas mababa, sumasang-ayon kami na makakapili ka kung ang arbitrasyon ay isasagawa lang sa batayan ng mga dokumentong isinumite sa tagapamagitan, sa pamamagitan ng pagdinig sa telepono, o sa personal na pagdinig ayon sa nakatakda sa Mga Panuntunan ng AAA, maliban kung isinasaad rito. Kung lalampas sa $10,000 ang iyong paghahabol, tutukuyin alinsunod sa Mga Panuntunan ng AAA ang karapatan sa pagkakaroon ng pagdinig. Kahit na sa ano pa mang paraan isagawa ang arbitrasyon, ang tagapamagitan ay dapat magbigay ng may katwirang nakasulat na desisyon na nagpapaliwanag sa mahahalagang natuklasan at pagpapasya kung saan binatay ang ibinigay na desisyon, at ang anumang pagpapasya sa desisyong ibinigay ng tagapamagitan ay maaaring ipasok sa anumang hurisdiksyon ng may kakayahang korte. ANG LAHAT NG PAGHAHABOL AY DAPAT DALHIN AYON SA KATAYUAN NG BAWAT PARTIDO AT HINDI BILANG NAGSASAKDAL O GRUPONG NAGDEDEMANDA SA ANUMANG IPINAPALAGAY NA PAGLILITIS NG GRUPO O KINATAWAN, AT, MALIBAN KUNG SASANG-AYON KAMI, HINDI MAAARING PAGSAMA-SAMAHIN NG TAGAPAMAGITAN ANG MAHIGIT SA ISANG PAGHAHABOL NG TAO. SUMASANG-AYON KA, SA PAMAMAGITAN NG PAGPASOK SA MGA TUNTUNING ITO, NA ISINUSUKO MO AT NG PINTEREST ANG KARAPATAN NINYO PARA SA ISANG PAGLILITIS SA PAMAMAGITAN NG JURY O NA LUMAHOK SA ISANG PAGDEDEMANDA NG GRUPO. WALA SA MGA TUNTUNIN NG PAGGAMIT NA ITO ANG MAKAKAAPEKTO SA ANUMANG HINDI MAISUSUKONG MGA KARAPATAN AYON SA BATAS NA NAAANGKOP SA IYO. Hangga't hindi magagawan ng arbitrasyon ang anumang paghahabol, hindi pagkakasundo o kontrobersiya tungkol sa Mga Tuntunin, sa Pinterest o sa aming Serbisyo sa ilalim ng mga naaangkop na batas o kung hindi man: sumasang-ayon kayo ng Pinterest na ang anumang paghahabol o hindi pagkakasundo tungkol sa Pinterest ay eksklusibong reresolbahin ayon sa Seksyon 13 ng Mga Tuntuning ito.

Para sa anumang hindi pagkakasundo sa ilalim ng European Platform to Business ("P2B") Regulation (2019/1150), kabilang ang mga reklamong hindi mareresolba sa pamamagitan ng internal na system ng pangangasiwa ng reklamo na tinutukoy sa Artikulo 11 ng regulasyong iyon, handa ang Pinterest na sumailalim sa pamamagitan kasama ang mga European Business User sa mga sumusunod na organisasyon: Ang International Chamber of Commerce (ICC) at Ang Centre for Effective Dispute Resolution (CEDR). Ang anumang pagsubok na magkasundo sa gamit ang pamamagitan para maresolba ang hindi pagkakasundo sa ilalim ng European Platform to Business ("P2B") Regulation (2019/1150) ay hindi dapat makaapekto sa iyong karapatan at sa karapatan ng Pinterest na magsimula ng mga paglilitis ng hukuman sa anumang oras bago, habang, o pagkatapos ng proseso ng pamamagitan.

Ang Mga Tuntuning ito at ang iyong paggamit ng Serbisyo ay pamamahalaan ng mga batas ng Estado ng California, nang hindi isinasaalang-alang ang mga prinsipyo nito sa salungatan ng mga batas. Para sa anumang pagkilos na hindi napapailalim sa Seksyon 13 (Arbitrasyon), ang tanging lugar ng hurisdiksyon sa anumang paghahabol,  hindi pagkakasundo, o kontrobersiyang nagmumula sa o nauugnay sa Mga Tuntuning ito ay County ng San Francisco, California, o United States District Court para sa Hilagang Distrito ng California, at pagpapasyahan ang ating hindi pagkakasundo sa ilalim ng batas ng California.

Kung ikaw ay nasa European Economic Area, UK o Switzerland, mapapailalim sa mga batas ng England ang Mga Tuntuning ito at ang iyong paggamit ng Serbisyo. Ang eksklusibong lugar ng hurisdiksyon para sa anumang paghahabol, hindi pagkakasundo, o kontrobersiyang magmumula sa, nauugnay sa, o patungkol sa Mga Tuntuning ito, sa Pinterest o sa Serbisyo namin  ay London, England, at ang ating hindi pagkakasundo ay pagpapasyahan sa ilalim ng batas ng England.

Mga pamamaraan ng pagbibigay ng abiso at mga pagbabago sa Mga Tuntuning ito
May karapatan ang Pinterest na tukuyin ang anyo at mga paraan ng pagbibigay ng mga abiso sa iyo at sumasang-ayon kang makatanggap ng mga abisong ayon sa batas sa elektronikong paraan kung pipiliin namin. Maaari naming baguhin ang Mga Tuntuning ito paminsan-minsan at palaging ipo-post sa aming website ang pinakabagong bersyon. Kung malaki ang isang pagbabago ayon sa aming pagpapasya, aabisuhan ka namin.

Kung nasa EU ka, aabisuhan ka namin tungkol sa mga pagbabago nang kahit 15 araw bago magkabisa ang mga pagbabagong iyon. Hindi kami nagpapataw ng mga pagbabago nang retroactive, kaya ang anumang pagbabago ay magiging mula sa petsa ng pagkabisa nito.

Sa pamamagitan ng pagpapatuloy ng pag-access o paggamit ng Serbisyo pagkatapos magkabisa ang mga pagbabago, sumasang-ayon kang mapailalim sa binagong Mga Tuntunin.

Pagtatalaga
Ang Mga Tuntuning ito, at anumang karapatan at lisensyang ibinigay rito ay hindi mo maaaring ilipat o italaga, ngunit maaaring italaga ng Pinterest ang mga ito nang walang paghihigpit. Ang anumang pagtatangkang ilipat o italaga na lumalabag dito ay ipawawalang-bisa.

Kabuuang kasunduan/severability
Ang Mga Tuntuning ito, kasama ang Patakaran sa Privacy at anumang pag-aamyenda at anumang karagdagang kasunduan na maaari mong pasukan sa Pinterest kaugnay ng Serbisyo, ay dapat bumuo sa buong kasunduan sa pagitan mo at ng Pinterest hinggil sa Serbisyo at mangingibabaw ang mga ito sa anumang tuntunin na mayroon ka sa Pinterest tungkol sa Serbisyo. Kung ituturing na walang bisa ang anumang probisyon ng Mga Tuntuning ito, lilimitahan o aalisin ang probisyong iyon sa pinakamababang sukdulang kinakailangan at ipagpapatuloy nang may buong puwersa at bisa ang mga natitirang probisyon ng Mga Tuntuning ito.

Walang waiver
Walang waiver sa alinmang probisyon ng Mga Tuntuning ito ang ituturing na higit o patuloy na waiver ng nasabing probisyon o anupamang probisyon, at ang kabiguan ng Pinterest sa pagpapahayag ng anumang karapatan o probisyon sa ilalim ng Mga Tuntuning ito ay hindi bubuo sa isang waiver ng nasabing karapatan o probisyon.

Mga Partido
Kung nakatira ka sa North America o South America, ang Mga Tuntuning ito ay kontrata sa pagitan mo at ng Pinterest Inc., 651 Brannan Street, San Francisco, CA 94107, USA. Kung nakatira ka sa labas ng North America o South America, ang Mga Tuntuning ito ay kontrata sa pagitan mo at ng Pinterest Europe Ltd., isang kumpanya sa Ireland na may nakarehistrong opisina sa Palmerston House, 2nd Floor, Fenian Street, Dublin 2, Ireland. Dahil pandaigdigang serbisyo ang Pinterest, sumasang-ayon ka na ang anumang karapatan at lisensyang ibinigay sa ilalaim nito ay para sa ikabubuti ng Pinterest, Inc. at ng lahat ng mga pandaigdigang subsidiary at affiliate nito.

Mga ahensiya ng pamahalaan ng US: Kung ikaw ay isang pederal na ahensiya ng pamahalaan ng Estados Unidos, napapailalim sa Mga Tuntunin at pag-aamyendang ito ang iyong paggamit ng Pinterest.

Mga pang-estado at lokal ahensiya ng pamahalaan ng US: kung ikaw ay isang pang-estado o lokal na ahensiya ng pamahalaan sa Estados Unidos, naaangkop ang pag-aamyendang ito sa Mga Tuntuning ito.





May bisa mula Abril 30, 2025